Buongiorno! Finalmente si’ arrivato!

Tu nun saje quanto tiemp’ aggia aspettato.

‘E na manera o ‘e n’ata, zittu zitte

cliccaste Pataterno punto it.

 

Che vulive vedè? Si nce sta Dio?

‘O Masto nun ce stà. Ccà ce stongh’io.

“E tu chi sì?” Tranquillo, mò t’o dico.

Comme stesse parlanno cu  n’amico.

 

P’o munno, miez’a tante malamente

ce può truvà pure na’ chiorma e’ gente

ca lle piace aiutà: che fa del bene

senza sta a valutà si lle cunvene.

 

Cu chisti lloco, né, che c’appizz’io?

Per fare il Bene, ce vo’ a man’e Dio!

O no? Ca certi vvote basta un dito,

pe’ fa clic, e fà aràpere stu sito.

 

Ccà ncoppa truove tant’Associazzione

che tendono una mano alle persone

ca tutt’e juorne, senza fa nu dramma,

soffrono assai, se puzzano d’a famma.

 

I’ l’aggie mise a una in fila a n’ata.

A chi aspettano? A te, bello d’o frate.

Ne puoi mettere ancora, int’a sta lista,

accussì a gent’o sape, ca c’esiste.

 

Stu sito Pataterno certo è strano:

comme si Dio fosse napulitano,

pè sapè buone: per capire a fondo

tutt’e prubleme ‘e tutt’e’ Sud del mondo.

 

Ma tu chiamalo comm’o vuo’ chiammà:

cà Iss’è uno,e una è a’ carità.

Chi ha dato ha dato:e pe’ chi nient’ha avuto,

ce mette a mano Dio: col nostro aiuto.

 

Si po’ sta storia a vuo’ sentì in pulito,

può ghì a vedè pe copp’a natu sito:

si priemme ccà , ce sta nu link cu ”Dio”.

Qualunque cosa, dì ca te mann’io.

                                             claudio

mannece e' link e'l'associazione no-profit ca cunusce

 

videtelle tutt'quant', e passate a' mano p'à cuscienza